Ein nod yng Ngŵyl Gelfyddydau’r Rhuban Gwyrdd yw hyrwyddo sut y gall y celfyddydau atal a lleddfu afiechyd meddwl, herio’r canfyddiadau o iechyd meddwl a darparu cyfleoedd i artistiaid greu cysylltiadau.

Gan fod y digwyddiad yn digwydd yn ystod pandemig Covid-19, mae rhaglen yr ŵyl ar gyfer yr hydref yn digwydd ar-lein. Fodd bynnag, rydym yn gweithio tuag at ddigwyddiad go iawn fis Mawrth 2021.

Rhwng 26 Hydref a 7 Tachwedd byddwn yn cynnal rhaglen gelfyddydol amrywiol gyda thrafodaethau panel, sesiynau rhwydweithio, a straeon gan rai pobl anhygoel sy’n rhan o’r celfyddydau a’r maes iechyd meddwl yng Nghymru. Dros yr wythnosau nesaf byddwn yn cyhoeddi mwy o’r rhaglen.